အသုဘမြင်တာအမင်္ဂလာမဟုတ်ပါ

တစ်ချို့ကပြောကြတယ် အသုဘသတင်းကြားရင် လာဘ်တိတ်တယ်တဲ့။ တစ်ချို့က နှာခေါင်းရှုံ့ ကြတယ်။ တချို့ကြပြန်တော့လည်း နားခါးတယ်တဲ့။ မနက်စောစောများ သေစကားကြားလိုက် ရရင်``မင်္ဂလာမရှိဘူး´´ ဆိုပြီးစိတ်ဆိုးကြ။ ``မပြောကောင်းဆိုကောင်း မဦးမချွတ်´´ ဆိုပြီးဟန့်တား ကြတယ်။ အိမ်ရှေ့မှာနိဗ္ဗာန်ယာဉ်လာရပ်ရင် မကြိုက်ကြပြန်ဘူး။ မွေးနေ့ကုသိုလ်လုပ်ရင်တောင် ဖိတ်စာထဲမှာအသက်ကို ထည့်မရိုက်။အသက်ကိုများ လူကြားထဲမှာ မေးလိုက်ရင် မျက်နှာကြီးစူပုတ်လို.။. (သေမင်းကြားမှာစိုးလို့တဲ့)မနက်စောစောစီးစီး ငှက်ဆိုးထိုးသံကြားရရင် ``ကျက်သရေကိုမရှိဘူး၊ ဒီငှက်စုတ်ကတစ်မှောင့် ´´ဆိုပြီးအပြစ်တင်မာန်မဲကြနဲ.။ အမှန်ကတော့အယူလွဲနေတာပါ။ အိုခြင်း၊ နာခြင်း၊ သေခြင်းကို ရှုပွားဖို.မပြောနဲ့ သေတယ်ဆိုတဲ့ အသံတောင်မကြားချင်ကြပါဘူး။လူသေလို. ကြေးစည်သံများကြားရရင် စိတ်ထဲမှာလေးလံထိုင်းမှိုင်းသွားတာပဲတဲ့။ အဲဒီလို.လူကလည်းရှိပါသေးတယ်။ တကယ်တမ်းတော့ အသုဘမြင်ရတာ အမင်္ဂလာမဟုတ်ပါဘူး။ လူတွေဟာ လောကီအာရုံ ကာမဂုဏ်နယ်ထဲမှာပဲ နစ်မွန်းနေကြပြီး သေခြင်းတရားကို မေ့နေတတ်ကြပါတယ်။ တကယ်တမ်းသေခြင်းတရားဟာ တစ်နေ့တော့ ကိုယ်ဆီကို မလွဲမသွေဆိုက်ရောက်ရမယ့် အရာတစ်ခုပါ။ ``ကွေးသောလက် မဆန့်မီ၊ ဆန့်သောလက်မကွေးမီ´´လို.တောင် ဘုရားဟောထားသေးတယ်မဟုတ်လား။ အဲဒီတော့ အသုဘမြင်တဲ့အခါ ``အော်----ငါလည်းသူ့လို တစ်နေ့သေရဦးမှာပါလား´´ ဆိုတဲ့အသိစိတ်ကို မွေးမြူရမှာဖြစ်ပါတယ်။ အဲဒီလိုစိတ်ထားတာဟာ မရဏနုသတိပွားများခြင်းပါပဲ။ အသုဘမြင်တာဟာကိုယ့်အတွက်ပါ။ ဘာမှ ကျက်သရေမယုတ်ပါဘူး။ အသုဘမြင်တိုင်း မရဏနုသတိပွားများပြီး ငါမသေခင် ကိုယ့်နောက်ကိုပါမယ့် သီလ၊ ဘာဝနာ၊ ကုသိုလ် တွေထဲက ဘာတွေ လုပ်ထားပြီးပြီလဲ ဆိုပြီး ဆင်ခြင်ရပါမယ်။ ဒီလိုစိတ်ထားခြင်းအားဖြင့် ကိုယ့်မှာကုသိုလ်တောင်ရနိုင်ပါသေးတယ်။ အဲဒီတော့အသုဘမြင်တာ အမင်္ဂလာလားဆိုတာ စာဖတ်သူတို့ ကိုယ်တိုင်စဉ်းစားပါ။ ကျွန်တော့် အနေနဲ့ကတော့ အသုဘဆိုတာ မင်္ဂလာမရှိဘူး၊ လဘ်တိတ်တယ်ဆိုတဲ့ အယူအဆတွေဖျောက်ပြီး၊ မရဏနုသတိပွားများကာ ကုသိုလ်ယူလိုက်ပါလို့ တိုက်တွန်း လိုက်ပါရစေ။.. ရေးသူ ..သွေးသစ်